Olimlar o'pkadan tashqari sil kasalligidan o'lim xavfini baholadilar

O'pkadan tashqari sil kasalligi (O’TTB) yuqumli bo'lmaganligi sababli o'pka siliga qaraganda kamroq e'tiborga sazovor bo'ldi. O’TTB har qanday organga ta'sir qilishi mumkin va OIV bilan yashaydigan odamlarda ko'proq uchraydi.

Norvegiyadan kelgan mutaxassislar O’TTB belgilari bo'lgan bemorlarda o'lim xavfini baholashga qaror qilishdi. Tadqiqot Tanzaniyadagi kasalxonalarda o'tkazildi. Natijalar Nature jurnalida chop etildi.

Sinovlarga O’TTB bilan kasallangan 113 bemor va sil kasalligi bo'lmagan 72 bemor (nazorat guruhi) ishtirok etganlar. Sil kasalligi guruhida ishtirokchilarning 54% OIV musbat va 7% noma'lum serologik maqomiga ega edi. Nazorat guruhida esa - mos ravishda 46% va 4%.

Har ikki guruhdagi asosiy, sil bilan bog’liq bo'lmagan tashxislar: xavfli o’smalar (29%), yurak-qon tomir kasalliklari (17%) va boshqa yuqumli kasalliklar (17%).

Natijalar

O’TTB guruhida umumiy o'lim ko’rsatgichi 40%, nazorat guruhida - 41% tashkil topgan.

Ikkala guruhdagi o'limlar holati ko'pincha kasalxonaga yotqizilgan bemorlarda uchragan (mos ravishda 60% va 55%). Kasalxonaga yotqizish uchun xavf omillari surunkali kasalliklar va limfa tugunlaridan tashqari har qanday joyning o'pkadan tashqari tuberkulyozi edi. Erkaklar ayollarga qaraganda sil kasalligidan o'lish ehtimoli ko'proq (77% va 23%).

Mutaxassislar OIV infektsiyasi va o’pkadan tashqari sil kasalligidan o'lim xavfi o'rtasida hech qanday bog'liqlik aniqlamadilar.

Xulosalar

Tadqiqot sil yoki OIV serologik maqomoga qat'iy nazar, O’TTB belgilari bilan og'rigan bemorlar orasida yuqori o'lim darajasini ko'rsatdi. O'limga ta'sir qiluvchi asosiy omil birga keladigan og’ir patologiya bilan bog'liq bo’lgan kasalxonaga yotqizish edi.